Тошкентда тартибга солинмаган ўтиш жойида автомобиль уриб юборган яна бир пиёда ҳалок бўлди.
Бектемир туманида йўл четида тўхтаб турган машина билан тўқнашиб, бошқарувни йўқотган Spark пиёдани уриб кетди. 40 ёшли пиёда тан жароҳати олиб шифохонада вафот этди.
Фарғона шаҳрида Nexia йўлни кесиб ўтаётган пиёдани уриб юборди. Ҳодиса оқибатида жабрланувчи вафот этди.
Ургутда катта тезликда ҳаракатланаётган Lacetti йўлнинг қатнов қисмида кетаётган 4 пиёдани уриб юборди. Оқибатда улардан 2 нафари шифохонада вафот этди. Ҳолат юзасидан жиноят иши қўзғатилди.
Қашқадарёда Lacetti белгиланган жойдан йўлни кесиб ўтаётган болани уриб кетди. Бунинг оқибатида болакай вафот этди. Ҳайдовчига нисбатан жиноят иши қўзғатилди.
Олмазор туманида 43-сонли йўналишдаги «ISUZU» русумли автобус светофорнинг қизил чироғида тўхташ пайтида йўл четига йиқилиб тушган пиёдани уриб кетди. Бунинг оқибатида фуқаро воқеа жойида вафот этган. Пиёда маст ҳолатда бўлганлиги айтилмоқда.
Миллий гвардия Фарғона вилояти бўйича бошқармаси ҳарбий хизматчиси хизмат автомобилида пиёдани уриб юборди. Жабрланувчи олган жароҳатлари оқибатида шифохонада вафот этган.
Учкўприк туманида ҳайдовчилик гувоҳномаси бўлмаган йигит бошқарув вақтида ухлаб қолиб, йўл четида тўхтаб турган пиёдани уриб юборди. ЙТҲ натижасида 44 ёшли фуқаро шифохонада вафот этди.
Қўшимча имкониятларга эга булиш учун сайтда рўйхатдан ўтинг